الام شيلتها دلوقتى اصعب من زمان

الأم دلوقتى شيلتها أصعب بكتير من الأم زمان 👍👍..

ده مش رأيى أنا .. ده واقع إحنا عايشينه ..

و يبقى ظُلم و عدم تقدير بجد لما الراجل يقول لمراته ..

( و إيه الزيادة يعنى فى اللى بتعمليه ما كل أمهاتنا زمان كانوا بيعملوا كده )

لاء لحظة معلش !!

حضرتك واخد بالك إن الأم دلوقتى مطالبه ..

️ إنها تحاوط على ولادها من فتن و بلاوى بتلاحقهم من كل حته بيتواجدوا فيها ( من المدرسة و من النادى و من اليوتيوب و السوشيال ميديا و غيره )

️ إنها تقنعهم إن القيم و الأخلاق و الأصول مش دقة قديمة و مش أوبشن إننا نتخلى عنها ..

️ إنها تربيهم على القناعة و الرضا فى زمن كل البيوت بقت حرفيا مفتوحة على بعض .. و كل واحد عارف مين بيجيب ايه و مين سافر فين و مين بيلبس من فين ..

و هما يعينى نفسهم يشتروا زى غيرهم و فاكرين ان كل حاجة سهله زى ما بيشوفها قدامهم ..

️ إنها تفضل مصاحبة بنتها و عينيها على إبنها .. و هى طول اليوم واقفة لوحدها بطولها لان الاب دايخ طول اليوم بره فى أكل عيشه عشان يوفرلهم مصاريفهم ..

️ إنها تقنعهم إن الإنحدار الأخلاقى و الدينى و الإجتماعى اللى بيشوفوه كل يوم ده مش العادى و لا هو عشان منتشر يبقى نستسهل و نعمل زيهم ، و نقلد و خلاص ..

️زمان الأب و الأم الإثنين بيربوا سوا ، دلوقتى معظم البيوت ، الام فيها هى اللى بتربى لوحدها ..

️ زمان كانت الأم العادى انها قاعدة فالبيت و بتربى و بس ، و لو إشتغلت بترجع الساعة 2 الضهر ..

دلوقتى الأم بتشتغل لحد المغرب و توصل مدارس و تمارين و تروح تطبخ و تروق و تذاكر و تحل مشاكلهم و كمااان تربى ..

️زمان كان السائد هو الصح ..

دلوقتى السائد هو الغلط ..

و بقت الأم مطالب منها تصلح مفاهيم غلط بيرجع بيها ولادها من العيلة و النادى و من المدرسة و من السوشيال ميديا ..

️ زمان قيمة الأم دى كانت حاجة كبيرة قوى عند ولادها ..

دلوقتى للأسف بنعانى من جيل مش مُدرك معنى ( بر الوالدين ) ..

و مش بيفتكر أمه الا وهو جعان

كلمة للمجتمع كله اللى قاعد بس للتنظير

( إرحموا الأمهات شوية )

و كلمة للأب ..