وصيتى لكم عند مماتى

البوست ده هيفضل علي صفحتي لحد ما أقابل وجه رب كريم

• الحقيقة إللى كلنا عارفينها و متأكدين منها إننا كلنا ربنا كتبلنا إننا نموت فى ميعاد محدد غير معروف، وعشان كده كتبت الكلام ده لأنى محتاجه حاجات معينه تتعمل،

و حاجات خايفه تتعمل وأنا مش عايزه حد يعملها لمجرد إنها معروفه، ووقتها طبعاً مش هعرف أقولها لحد ..✋

يشهد الله أنني صنت الودّ رغم نفاذ السبعين عذرًا

ويشهد الله أني بذلت حتى ذُبلت

وليشهد الله ان روحا أضاعت هدوئها ونفذ صبري لإرضاءها✨💔

يشهدُ الله أنّي تحمّلت فوق طاقتي

يشهد الله إني ما يئستُ لكن

والله ما فرطتُ يومًا في ودّ،

ولا نگرت لأحدٍ له فضل علي

ولآ بدأت عداوه ولآ حتى نويت

فليشهد الله أني تمسكت بحبال الود حتى جرحت يدي

والله العظيم ما انهيت وداً بدأته إلا بعدما رأيت انه قد هان ودي

‏فليشهَد الله انِي تَمسكتُ بالصَبرِ بكلتَا يدَي حَتَى جُرح قَلبي💔

ولِيشهد الله أنني حَاولت جاهداً حتى تَعِبت وأنني تغاضيت حتي سئمت

فليشهد الله أنني لم أؤذي أو أظلم أو أحقد ولا أكره أحد بل افعالهم هي التي غيرتني

ويشهد الله على براءة نيتي

وليشهد الله أنني كنت أطيب من أن اؤذي أو أخيب ثقة أحد لكنني لم أنل شيء وكل شيء نال مني

الكل يطالبني بأن أقاوم ، و لكن لا أحد يعلم كم انا أعاني

فوضت امري لله

فوضت أمري للذي لايغفل ولا ينام ✨🍂🤍

__________

• "وصيتي✨💖

صلاة الجنازة أهم من العزا و هى إللى كل ما العدد زاد كل ما ثوابى ما كان أكتر، فأرجوكم تصلوا عليا.

مش شرط تيجى العزا وياريت لو إتعمل فى البيت أو مكان بسيط وبفلوسه تطلعولى صدقة جارية أفضل.

من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وإدعولى الوقت اللى هتقروا فيه جزء فضوا نفسكم وإقعدوا إدعوا فيه.

بلاش صدقة جارية تقليدية وسهله ومش مستفاد بيها يعنى المصاحف كتير فى مصر اوى وكل بيت فيه كتير فممكن نحط الفلوس فى جامع بيتبنى أو كرسى متحرك فى مستشفى يستفادوا بيه المرضى أو دخول مياه لبيت غلابه أو بناء سقف لبيت فقراء، حاجات ناس تستفيد بيها لمدة طويلة.

دى نقطة مهمه اوى بالنسبة ليا .. محدش يقول لحد بتعيط عليه لية، ومتعيطش عشان هو بيتعذب!! الكلام دة غلط، والتحذير ورد فى الصراخ والنواح .. انما سيبوهم يعيطوا لحد ما يطلعوا كل الشعور اللى عندهم و مفيش حاجه بتقول إن العياط معناه عدم رضا بقضاء ربنا.

"وأبيضت عيناه من الحزن فهو كظيم".

أهم حاجة تانى هى الدعاء والصدقة .

من فضلكم تكثفوا الدعاء وقت نزول القبر وتتصدقوا بأى حاجه بنية إن ربنا يجعل قبرى روضه من رياض الجنه ويثبتنى عند السؤال لأن دة أهم وقت ليا وياريت كمان بعد ما تدفنونى تقعدوا معايا شوية ومتستعجلوش تمشوا عشان تونسونى فى ليلة زى دى.

الموت علينا كلنا حق وإحنا كلنا أمانات ربنا وهيردنا تانى، فالحزن على الفراق هونوه على نفسكم بالدعاء ليا عشان أبقى فى سعادة لحد ما أقابلكم تانى.

اللي بيحبوني يدعولى كتير عشان لو مفيش حد يدعيلى.

ودى مهمة أوى أوى أوى كمان وهى إسألوا على ‏حبايبي علطول وودوهم وخليكوا قريبين منهم وشيروا بوستات دينيه كتير من صفحتي .

"بالله عليكم افتكروني دائماً بكل خير ولو كانت كلمه

بلاش تذكروني في أي موقف حصل كنت فيه بعيد عن ربنا"

😔😔

"اللهم إن كثر موت الفجأة من حولي و كثر موت الشباب غفلة، ف يارب إن كنت أنا القادم فأحسن خاتمتي و يسّر طلوع روحي و هوّن عليّ سكراتي فإني أحب أن ارحل في هدوء و سكينة و طمأنينه، ولا تقبض روحي إلا و انت راضٍ عني لكي اكون عبداً مقبولاً لك و عِندك حتي أليق بلقائك العظيم و إن كان لي من العمر باقي فأغفر لي ذنوبي و معاصي نفسي الأمّارة بالسوء و أعفو عني و أمحو لي كل ما يعرقل طريقي إليك و ردّني إليك ردّاً جميلاً يارب العالمين 🤲🖤