أسباب مقابلة المعروف بالنكران والجحود

عطاء بلا حدود مقابل الخذلان 

أنا وقفت جنبهم ومساعدتهم واول ما بقوا كويسين بعدوا عني أو أنا شيلته في تعبه وفقره واديته كل حاجة واول ما شم نفسه اتجوز عليا أو رماني او انا اهلي بيستغلوني خدوا فلوسي يجوزوا اخواتي ولما جيت اتجوز استكتروا عليا افرح 💔

كام مرة سمعت أو شفت قصص لناس ضحت عشان ناس تانية ايا كانوا مين واترد الجميل بنكران وجحود وتبدأ الضحية تشك ادعي غلطت في ايه عشان يحصلها كدا 🤔🤔

👈🏻👈🏻أسباب النكران والجحود ؟!

❌الشخصية المسيئة عندها نقص دفين يمنعها تشوف وتعترف أن في حد كويس لان دا هيخليها تعترف ينقصها واحتياجها 

❌كره للفترة دي فكل ما تشوف الضحية دي هتفتكرها فبتهرب من الفترة لأنها مش عارفة تدير الموقف ولا تتعامل معاه لأنها مضطربة

❌مشافتش تربية وارد برده مفيش مبادئ أو قيم شافوها 

❌مش عايزينك تحس انك قوي أو بتعرف تتصرف لأن هما لو مكانك مش هيقدروا يعملوا كدا فبيحسوا بالعار ناحية نفسهم فبينتقموا من الإحساس دا فيك .

❌العطاء الزيادة بدون مقابل بيحسس المستغل بالعجز وبأنه مالهوش لازمه فبيحب يكون ليه لازمه في حتة تانية 

❌استعراض قوة واوعي تفتكر انك منيت عليا لا دا انا وانا 💪🏻

❌لما بتكون شخصية مهزوزة مبتعرفش تتحكم في الموقف احيانا لما ربنا بيبعتلهم خير بيخافوا عليه بزيادة فبيهربوا من كل حاجة ذي الي بتتجوز وتمسح صحباتها ومع اول خناقة ترجع تلف وراهم تاني 😂😂

👈🏻👈🏻إيه أسباب تعرض الضحية للاستغلال ؟!

❌اتربت علي الحب المشروط مش هتتحب الا مقابل عطائك 

❌اتربت مع اهل مستغلين 

❌بتخاف من الهجر فبتدي لدرجة أنها مبدتيش نفسها فرصة تاخد مقابل 

❌مش بتقدر نفسها كفاية 

❌بتحط الناس أولوية عنها 

❌مش بتقول احتياجاتها ولا بتطلب حقها 

❌مش بتعمل حدود وعارفة حقوقها ايه حاسة أنها علي طول عليها واجبات بس 

#الخلاصة 

لكل شخص اتعرض للجحود ونكران المعروف انت ذي الفل مفيش فيك عيب هما الي ناس مش متزنة واكيد عوضك عند ربنا أكبر وأعظم اوعي تشك في نفسك وفي لطف ربنا معاك ❤️❤️

بس نصيحة متديش حد أكبر من حجمه ومتنتظرش مقابل لعطائك ومتديش من قلبك أوي ولا بدون مقابل 

#May_Saleh