قصص قصيرة رعب خيال

#كل_يوم_قصة

#صرخة_بيت

أنا سمير مصري عايش بقرية عايز احكيلكم قصتي مع العالم الخفي على فكرة انا كنت ما بخافش ودايما أأول لأصحابي ما. جن ألا بني أدم بس اللي حصلي واللي شفتة خلاني أتأكد أنهم موجودين حوالينا بكل مكان صح مابيظهروش ولا بيعلنوا عن وجودهم بسبب موانع وقوانين وأحكام بعالمهم وخوف من الله عز وجل لكن اللي حصلي خلاني دلوقت مش بخاف وبس لا انا بقيت أأؤمن أنه لهم عالم خاص بيهم ماينفعش أن أحنا نحاول نقتحمه 

البداية من زمان وأوي كمان من قبل ما بويا يتولد كان في بيت على أول البلد البيت ده كان عايش فيه عيلة تعتبر من كبار وأغنياء البلد المهم مش عايز اطول عليكم لما كنت طفل كانت أمي تؤلي ما تروحش تلعب عند أول السريع السريع ده هوصف لكن عبارة عن الطريق المرصوف اللي فيه مدخل بلدنا وبعدين ندخل للبلد نلاقي مسافة طويلة وبعد كده البيوت بتاعة أهل القرية يعني البيت اللي أمي كانت بتبعدني عنه كان لوحده مافيش جنبه بيوت تانيه وبيوم كنا بنلعب انا وصحابي وبعدين سمعنا صرخة من البيت كنا قربنا على المغرب والعيال صحابي كانوا عايزين يروحوا يشوفوا مصدر الصراخ او ليه لكن انا رفضت كنت عيل مؤدب بسمع كلام امي ورجعت للبيت انا واتنين من صحابي لكن ابراهيم ومعاز رفضوا يرجعوا واتهمونا اننا جبنا وراحوا هما يكتشفوا سبب. الصرخه وياريتهم ماراحوا عارفين ليه '،،،،،

تاني يوم الصبح صحينا على صراخ ولطم وعويل ونزل ابويا يحري يشوف في ايه امي كمان طلعت تجري وراه وتؤل استر يارب كنت لسه هحصلهم لقيت امي داخله تلطم وحضنتتي والتلي الحمد لله الحمد لله انك سمعت كلام امك اااه انا نسيت ااولكم ماهو انا حكيت لها امبارح قبل مانام على اللي حصل انا كنت بحكي لامي كل حاجه امي حضنتني وكحل عينها سايح من العياط سألتها مالك يمه ما بتتكلمش بتبصلي ساكته عايز افهم بس في ايه شوى وابويا دخل يضرب كف بكف ويؤل ياربي أحنا هنفضل باللعنه دي هو عملها وأخوه والبلد كلها بتدفع التمن لاحول ولاقوة الا بالله أومي يا أم سمير هاتيلي العباية والطاقيه خليني الحق الدفنه هيدفنوا العيال بعد صلاة الضهر ……أمي يمه ماتنطقي عيال مين اللي ابويا رايح يذفنهم 

معاز وابراهيم غرقوا بالترعة الشرقية ونشلوهم ميتين يابني 

ايه ايه اذاى دول بيعوموا أحسن مني يمه وكمان انا سايبهم رايحين للبيت اللي فيه الصراخ بالجهة الغربية ايه وداهم عند المصرف بالترعة محال محال يمه واعدت اعيط واكلم نفسي امي وابويا واهل البلد كلهم عارفين سر البيت لكن احنا العيال مانعرفش السر لحد ما كبرت وخلصت الجامعه ونظرة ابراهيم ومعاز متمددين بالارض غرقانين وعيونهم كلها رعب خلتني اقرر اني افتش عن سر صرخة البيت 

خلصت جامعه وكنت سهران مع صحابي على القهوة بالقرب من البيت أياه وسمعنا صوت الصرخة واصحابي قرروا يرجعوا لبيوتهم لكن انا المرة دي قررت اروح اشوف سبب الصرخة وياريتني مارحت امي كانت التلي سبب لعنة البيت انه الراجل صاحب البيت كان سارق واحد وقتله وعفريته بينتقم وده سبب انه اهل البيت كلهم ماتوا 

بحوادث غريبه لكن اتضح انه مش ده السبب هفهمكم وقت سمعت الصرخه رحت مع صديقي راضي وكل مانقرب الصرخه تزيد وتعلى وراضي بدأ يخاف وانا بشجعه لكن اول ماوصلنا للبوابة كان في خيال واحده بتجري جوا البيت راضي مسك دراعي واللي ابوس ايد امك نرجع كفايه كده عم الكوماندا انا خلاص حاسس هعملها على نفسي من الخوف وانا بشجعه انه لازم نشوف في ايه لنحل اللعنه دي وفتحت البوابه بشويش وهو حاضن دراعي وخيال البت بيجري والصراخ بيعلى اكتر وفجأة حسيت ايد راضي بتنهش فيا اولتله يابني ضوافرك بتغرز بكتفي انتبه بس ماردش وسمعت صوت انفاسه غريبه وحسيت كأنه زاد قوة بمسكته فيا اولت التفت انبهه دراعي هيتخلع في ايده وياريتني مالتفت ماكانش راضي كانت وحده شعرها منكوش والدم مالي وشها وعيونها حمرا دم ومفتوح راسها من جبهتها انا قلبي كان هيقف اعدت ااول قرأن واستعيز من الشيطان فين راضي اختفى لاتكون قتلته هى دي رحت ايل هو انتي عفريته انتي النداهه وفجأة لقيت راضي اودامي بس مش واقف بالارض كان فوق سطح البيت الوله رايح يرمي نفسه اولتلها سيبيني ابعدي عني اعوز بالله الوله هيموت وهى تبص ليا ساكته اولتلها طيب سيبيني انقذ صحبي وبعدين اعملي فيا اللي انتي عايزاه وفعلا سابتني رحت طالع اجري بسرعه لأنقذ صحبي وفعلا انقذته ونزلته واولتله ارجع للبلد مالكش دعوه بيا انا شوى وهحصلك رفض يسبني وقالي مايعرفش طلع فوق اذاى وسمعنا صوت العفريته او الجنيه او الشبح سموها ذى مانتم عايزين بتتكلم من ورانا ياسمير خد صاحبك وامشي مش هنعملكم حاجه التفت لقيتها مش لوحدها كانت واقفه معاها واحده تانيه لا تالته لا كانو خمسه او عشره كلهم بنات سألتها ليه عفيتي عني زمان موتي ايراهيم ومعاز التلي اه فعلا بس هما اللي قتلوا بعض لانه كانوا طماعين وعايزين يعملوا فيا اللي عمله جدهم صاحب البيت اولتلها مش فاهم التلي امك واهل البلد ماحكوش الحكايه الحقيقيه صاحب البيت من سنين طويله هو واخوه اغتصبونا انا واختي وقتلونا ودفنونا تحت البيت وقريني وقرين اختي نزل لعنته بالبيت وباهله وابراهيم ومعاز كل واحد فيهم اتخلى عن التاني ليحمي نفسه لكن انت وصحبك ما تخليتوش عن بعض يالا امشوا وممنوع ترجعوا تاني صرخة البيت للي يستحق يندفن بيها …..*

تحياتي 

منال صبحي المريمية