ما نعيش عيشة الضيوف فى بيوتنا

جماعه أنا جيبت لبيتي سجاد فاتح ، وجيبت الانتريه ألوانه حلوه و مغطيتهمش بكاڤر وبصراحه مش فاهمه فين المشكله لما السجاد يتبهدل وأغسله ليه أحكم على بيتي ان يبقا كله ألون غامقه وشكلها يجيب اكتئاب وهو الواحد ناقص ! ..

النيش عندي مش دولاب ممنوع لمسه لأ بطلع كل حاجه منه وبستعملها وباكل في طقم الصيني الغالي وبشرب في الكوبايات المتكلفه برده عادي بلا كآسات بلا تقليد أعمى لا من عاداتنا ولا تقاليدنا ولا ثقافتنا سورى يعنى كفاياكوا صورك بالبلدى كده وعلى بلاطه هو أنا لما أسيبهم مين هياكل فيهم ؟ كلنا هنقول للضيوف والضيوف برده سايبينه للضيوف طب ايه المشكله لما نعيش عيشة الضيوف في بيوتنا ! ولا هما الضيوف دول مكتوبين لينا فى القائمة وعلى رأس اللى جابوهم ريشه

يعنى صارفين ومكلفين وعاملين سفره بالشىء الفلانى ومجهزين بالشىء العلامة ونحرم نفسنا نتمتع بحاجتها خوفا تتبهدل ولا تتكسر ما تتبهدل ولا تغور فى داهيه هو احنا حنكنز لمين ومش علشان نقول دي ملهاش لازمه وننصح غيرنا انه ميعملهاش واننا ندمنا وفلوس في الفاضي لأ ده علشان نحط عليها ورد ونولع شموع ونقعد نتعشا في جو هادي ورومانسي
اعملو كل حاجه نفسكوا فيها وعيشو الحياه اللي بتتمنوها واستمتعوا بحاجتكم واتبسطوا ومتشيلوش هم هي مرة واحده اللي بنعيشها ومحدش بياخد حاجه وهو رايح♥️

12.1K

او قم بنسخ الرابط وانشرة اينما كان

https://alqudsbook.com/%D9%85%D8%A7_%D9%86%D8%B9%D9%8A%D8%B4_%D8%B9%D9%8A%D8%B4%D8%A9_%D8%A7%D9%84%D8%B6%D9%8A%D9%88%D9%81_%D9%81%D9%89_%D8%A8%D9%8A%D9%88%D8%AA%D9%86%D8%A7

العودة للرئيسية

مقالات ترند