مناظرة بين نبي الله ابراهيم عليه السلام و النمرود

ما حدث بعد تحطيم نبي الله ابراهيم الأصنام 

سيدنا ابراهيم لما حطم الأصنام وساب الفأس متعلق علي رقبة كبيرهم كان بداية حوار خطير ومناظرة عظيمة كالآتي

💚مشكوش لحظة أن كبير الأصنام هو الي دمرهم بالعكس سألوا مين البشري الي عملها 

💚لما عرفوا أنه ابراهيم عليه السلام بدأوا يسألوا ليه عملت كدا فقالهم كبيرهم الي عملها قالوله لا هما ميقدروش يعملوا كدا .

💚اشتري منهم المعلومة ورجع بعهالهم طب مادام هو الموضوع كدا وهما حتي ميملكوش دفع الضرر عن نفسهم بتعبدوهم ليه ردوا عليه اغبي رد في التاريخ احنا لاقينا اهلنا بيعملوا كدا فعملنا ذيهم (تبعية مع كسل عن التفكير )

💚اشتري منهم تاني وقالهم انا مش مؤمن بالالهة دي انا بعبد ربنا ردوا عليه مين ربنا قالهم خالق الكون بيحي ويميت كبر النمرود منعه يعترف أنه ع خطأ أطلق صراح واحد وعدم التاني وقاله اهو انا أحييت وأمت راح قاله طب ربنا بيشرق الشمس م المشرق هاتهالنا انت بقي من المغرب فتنح النمرود .

رد فعل النمرود علي كلام ابراهيم عليه السلام

💚هنا لحظة مفترق طرق يا تعترف انك علي غلط وتراجع نفسك في معتقداتك يا تزيد في جبروتك وتقتل اي صوت يخليك تتحمل مسئولية انك ممكن تكون غلط 

💚وكعادة اي شخص متعنت عنيد عقله محدود كبره واقف حاجز بينه وبين الإدراك والمرونة أمر النمرود بحفر حفرة عظيمة وملاها حطب واشعل فيها النيران وأمر بربط ابراهيم عليه السلام بالحبال عشان ميعرفش يهرب من النار ويتحرق وينتهي هو كلامه وطبعا كلنا عارفين المعجزة وأنها كانت برد وسلام علي نبي الله ابراهيم وبعدها قرر الهجرة من بابل بالعراق لفلسطين واتجوز السيدة سارة .

الدروس المستفادة من هذه القصة

✅مش معني أنك بتتهاجم انك علي غلط ولا الي بيهاجموك علي صواب.

✅احيانا وعيك بيدوس علي جرح الي حواليك فيا يخلوك ذيهم يا يحاربوك 

✅المنطق مع العقول المقفولة بيزود الخلاف مش بيهديه 

✅اسهل حاجة إسقاط عيوبك علي الي حواليك لكن مش اي حد يعترف بخطأه ويتحمل مسئولية إصلاح نفسه 

✅أه ممكن يحرقوك بالنار لكن نور رحمة ربنا فوق كل شي لطف اقدار ربنا دائما مبهر 

✅في بيجادلك عشان يفرهدك أو يلاقي سبب لاذيتك أو يقل منك مش عشان يفهم .

✅بنعيش عمرنا بنحارب عشان افكار وارثينها مش متأكدين حتي من صحتها .

✅أحيانا بيكون البعد وانك تحاوط نفسك بناس تدعمك اهم حاجة تسندك مش شطارة البقاء في نفس البيئة الي كانت سبب توهتك واذاك .

✅في محاولتك لكسب نفسك هتتفاجئ بخسارة ناس كتير حواليك كنت فاكر وجودهم داعم ليك .

#May_Saleh