محشي الكرنب بطريقة سهلة جدا

في البداية:

تعتبر وصفة محشي الكرنب من الوصفات الشهية والمحببة لدى الكثيرين، فهي تجمع بين مذاق الخضار الطازجة ونكهات التوابل المميزة. في هذا المقال، سنتعرف على طريقة تحضير هذا الطبق بطريقة سهلة وشهية، بالإضافة إلى نصائح تساعدك على إتقانه بسهولة.

محشي الكرنب 

##################

محشي الكرنب بطريقة سهلة ولذيذة وخطييييره 

من الألف إلى الياء لمحشى الكرنب 😉

أولا طريقة سلق الكرنب وتقطيعه

************************

فى حلة ميه بتغلي ع النار فيها كمون وسكر وقليل من الزيت 

دي تكه من عندي علشان ورق الكرنب يبقى مسكر وبيلمع 

تكوني شايله الورق اللي على وش الكرنبه الأخضر وغسلاها كويس 

مصفياها الورق الخارجي الاخضر لو بتحبي الورق الاخضر 

نرجع للحله بتاعة السليق هنحط الكرنبه نسحب ورقه ورقه منها 

بعد ما يدوب تدبل لحد ما تخلص الكرنبه كلها 

نحطها في ميه بارده ونغيرها كذا مره ونغسله كويس لحد ماتبرد تماما علشان  

نوقف السوا ولو بتحبي الورق الاخضر 

تسلقيه بنفس الطريقه بس تحطيه كله مره واحده 

بسرعه طلعيه بس تتأكدي انه استوى علشان بياخد وقت اطول من الأبيض .

ثانياً طريقه عمل تسبيكه الصلصه 

***********************

بصل نصف كميه الأرز ( مقطع مكعبات صغيره جدا علشان الخلطه تبقى مسكرة ) 

2 حبة فلفل أخضر رومي ( مقطع مكعبات صغيره ورفيعه جدا ) 

3 فصوص ثوم مقطعين مكعبات صغيرة ( إضافتة حسب الرغبة )

فى حله تسخني زيت على سمنة بلدي ( حبه حلوين كدا ) 

تنزلي بالبصل ( يادوب البصل يدبل )

ضفى الثوم و الفلفل الأخضر الرومي ( نقلب سريعاً حتى يصفر البصل قليل )

نضيف نصف كمية الخضرة ( نقلب سريعاً )

نضيف 3 ملعق كبيرة صلصة الطماطم ( البيوريه) 

تقلب كويس علشان المحشى يكون أحمر هتديله لون روعه (تقلبى كويس )

تنزلي بعصير الطماطم الفريش المركز ( نصفيها ) 

يوضع الملح والسكر ( نقلب نغطى الحله )

تترك تتسبك كويس ( مع التقليب كل شويه علشان مش تشيط منك )

لما تتسبك تماما هنضيف التوابل فى الأواخر علشان ريحتها ماتروحش 

نضيف الأرز ( المغسول المصفى كويس جدا )

نقلب الأرز مع التسبيكة كويس جداااا )

نرفع الحله من على النار ( نترك الخلطة تبرد قليل )

نضيف باقى كمية خضرة المحشى ( نقلب كويس )

نبدأ نحشى. 

خضرة المحشى

************

3 ربطه بقدونس ( مقطع ناعم بالسكينه )

2 ربطه شبت ( مقطع ناعم بالسكينه )

2 ربطه كزبرة خضراء ( مقطعه ناعم بالسكينه )

توابل المحشى 

***********

التوابل عباره عن ملعقة صغيرة من الآتي :

(ملح . فلفل أسود . نعناع ناشف ناعم . كمون . كزبرة ناشفة . شطة ناعمة . 

سكر علشان حموضة الطماطم والصلصة ) 

ثالثاً طريقة لفى المحشى وتسويته  

*************************

تقطعي ورق الكرنب ( بالحجم اللي انتي عايزاه )

تقلبي الرز مع التسيبكه والخضره 

ابدأي احشي افردى ورقة الكرنب على أصابع الأيد نضع على طرف الورقة 

قليل من خلطة المحشي 

نضع قليل من الأرز في صباع المحشى ( علشان لما بيستوي بيزيد الحجم )

نلف الورقة على الأرز بأحكام 

نرص أصابع المحشى فى الحله ( بشكل دائري كل سطر عكس بعضه مثل علامة + )

هكذا لحد قبل نهاية الحله بعقلتين صابع 

نفرش أرضية الحله قبل رص أصابع المحشى بعروق الكرمب متوسطة السمك 

فى قاع الحله

بعد لما نخلص حشو المحشى نوزع على وجة المحشى فى الحله نصف كوب زيت 

( علشان المحشى يلمع )

أثناء الحشو تكوني ( غاليه ) شوربة يستحسن تكون شوربة (بط أو فراخ أو لحمه ضانى 

أو المتاح بالنسبه لكي )

نضيف للشوربة أثناء الغليان بشر حبتين طماطم حمراء وملعقه كبيره صلصة طماطم 

فلفل أخضر حار أو بارد ( مقطع مكعبات صغيرة ) 

نترك الشوربة تغلى نسقي حله المحشي ( مع هز حله المحشى بسيط ) 

( بحيث تكون الشوربه مع حذ الصف الأخير من محشى الكرنب ) 

نضع علي وجة حله المحشى طبق كبير ( علشان المحشى ما يفكش أثناء الغليان ) 

نغطي الحله 

 بالغطاء عادى 

نرفع الحله على نار عاليه ( لحد الغليان )

بعد كده نهدى النار وسط ( لحد لما يتشرب الشوربة )

نوطى النار على الآخر ( نترك المحشى لحد ما يستوي بياخذ حوالي ساعة على النار )

نرفع الحله من على النار 

( نحضر طاسة نضع فيها ملعقتين كبار سمنة بلدى نقدح السمنة كويس 

نوزع السمنة المقدوحة على وش حلة الكرنب نغطي الحله تماماً 

التركه دى بتخلي محشى الكرنب بيلمع وريحتة تحفة )

بعدها نرفع غطاء الحله نترك المحشى يبرد 

فى طبق التقديم نقلب حله المحشى 

فى منتصف الطبق نرفع الحله بهدوء 

ويقدم 

ملحوظة 

#####

يمكن حشو الفلفل الأخضر والكوسه والبتنجان الأبيض والبصل والطماطم 

بنفس الخلطه دى ونضعهم فى حله واحده مع بعض .

في الختام:

بهذا نكون قد وصلنا إلى نهاية مقالنا عن وصفة محشي الكرنب، نتمنى أن تكون الخطوات المذكورة والنصائح المقدمة قد ساعدتك في تحضير هذا الطبق بكل سهولة ونجاح. استمتع بتناول محشي الكرنب اللذيذ مع عائلتك وأحبائك، ولا تتردد في تجربة تنويعات مختلفة للمحشي باستخدام الخضروات الأخرى المفضلة لديك.