ابدأ الان بكتابة المحتوى على منصة كتاب القدس
أنا اللي
بنارك مكوي
و أنا اللي
من حبك محروم
لما بشوف حالك
الدم
في عروقي بيغلي
وأعرف ساعتها
إني مش لوحدي المظلوم
أصبر روحي
و أقول لنفسي
الحق لازم
يرجع في يوم
و الشمس
بكره نورها يضوي
عمر ظلام الليل
ما يدوم
بحلم
والحلم جميل
و بيغوي
و الأمل بيقوي
بينسينا كل ألامنا
بيخفف كل وجعنا
بيخلينا
نرضى بالمقسوم
يا بلد
كلك أوهام
الغلبان
فيك حقه مهضوم
ليه
علينا بتستقوي
وتحسسينا
إن إحنا مالناش
أي لزوم
مع إن الحق واضح
و طريقه معلوم
وإحنا معانا
كل الحق
ومفيش بينا
و بينك فرق
بنزق فيك
وإنت نازلة
فوق دماغنا دق
ومش قابلة
العتاب واللوم
إحنا اللي دمانا
فوق أرضك سالت
و كتافنا ياما
عنك شالت
لا نخت يوم ولا مالت
و قسوتك علينا طالت
يا عيب الشوم
فاضل كلمة
ولازم أقولهالك
كل ظالم هالك
و مصيره معلوم
و ربنا دايما
مع المظلوم
ربنا دايما
أحمد السعيد الفقي مصر
هذا المحتوى ملك للمسؤول alqudsbook.com موقع
© alqudsbook.com. كل الحقوق تعود الى كتاب القدس. صمم ل كتاب القدس
