آيات إطعام المسكين فى القرآن الكريم مرعبة!!!

آيات إطعام المسكين فى القرآن الكريم مرعبة!!

مقدمة

التقاعس عنه مرعب ونحن عنهم غافلون تجعل من يتدبرها لا يستطيع النوم من هول عقاب ترك إطعام المسكين....وهذه الآيات ليست آية أو آيتين وإنما تكرارها مرعب

الموضوع

ليست محدودة بوقت فنحن مأمورين بها فى رمضان وغير رمضان وفى كل وقت.

ومن هذه الآيات على سبيل المثال لا الحصر*

*قال تعالى في سورة الحاقة*:

خُذُوهُ فَغُلُّوهُ (30) ثُمَّ الْجَحِيمَ صَلُّوهُ (31) ثُمَّ فِي سِلْسِلَةٍ ذَرْعُهَا سَبْعُونَ ذِرَاعًا فَاسْلُكُوهُ (32) إِنَّهُ كَانَ لَا يُؤْمِنُ بِاللَّهِ الْعَظِيمِ (33) وَلَا يَحُضُّ عَلَى طَعَامِ الْمِسْكِينِ (34)*

*وذكر سبحانه في سورة المدثر أن من أسباب دخول المجرمين النار عدم اطعامهم المساكين* قال تعالى* :-

إِلَّا أَصْحَابَ الْيَمِينِ (39) فِي جَنَّاتٍ يَتَسَاءَلُونَ (40) عَنِ الْمُجْرِمِينَ (41) مَا سَلَكَكُمْ فِي سَقَرَ (42) قَالُوا لَمْ نَكُ مِنَ الْمُصَلِّينَ (43) وَلَمْ نَكُ نُطْعِمُ الْمِسْكِينَ (44)*

*وقال الله تعالى في سورة الفجر*

كَلَّا بَلْ لَا تُكْرِمُونَ الْيَتِيمَ (17) وَلَا تَحَاضُّونَ عَلَى طَعَامِ الْمِسْكِينِ (18) وَتَأْكُلُونَ التُّرَاثَ أَكْلًا لَمًّا (19) وَتُحِبُّونَ الْمَالَ حُبًّا جَمًّا (20)*

*وقال الله تعالى فى سورة الماعون:

أَرَأَيْتَ الَّذِي يُكَذِّبُ بِالدِّينِ (1) فَذَلِكَ الَّذِي يَدُعُّ الْيَتِيمَ (2) وَلَا يَحُضُّ عَلَى طَعَامِ الْمِسْكِينِ (3)

فوصف من لايطعم المسكين بأنه يكذب ب أنه

فلنجعل من إطعام المساكين وِرد يومي او اسبوعي او شهري ابتغاء مرضاة الله سبحانه و تعالى وللنجاة من عذابه ووعيده.. والبيت الذي لا يفتح للفقير يفتح للطبيب... وكثرة اللقم تمنع النقم . ..فالإطعام هو حقيقة مؤكدة و فرض وواجب على المسلم يترتب على تركه عذاب ووعيد شديد.

سامح لطف الله

الجزء العشرون بيتكلم عن ٣ سور ( النّمل ... القصص .... العنكبوت )

سورة النّمل :

١- سورة النّمل سورة مكّية ربنا حكى فيها بعض من قصص الأنبياء لسيدنا محمد تهويناً وتخفيفاً وتسلية

٢- السورة مرّت مرور سريع على قصة تكليم ربنا عز وجل لسيدنا موسى وأمره بالذهاب لفرعون وقومه

٣- بعد كده السورة ذكرت قصة سيدنا سليمان مع النّملة ... ومع الهدهد ... ومع بلقيس ملكة سبأ ... وازاي بلقيس ءامنت بالله وأسلمت

٤- بعد كده السورة هتحكي عن قصة سيدنا صالح مع قومه .... وسيدنا لوط مع قومه ( وذكرناهم قبل كده )

٥- بعد سرد القصص دي ربنا هيخاطبنا بآيات كلها دلائل على عظمته ووحدانيّته وقوته ورحمته ببينا .... وهتلاقوا نهاية واحدة للآيات دي ( أءِله مع الله ) ؟؟

٦- وأخيرا السورة بتنتهي بآيات تتوعد المشركين من خلال عرض مشاهد مرعبة من مشاهد يوم القيامة

سورة القصص :

١- سورة القصص سورة مكيّة ...نزلت في وقت هجرة النّبي صلى الله عليه وسلم من مكة للمدينة ... وكان حزين جداً لخروجه من مكة

٢- سورة القصص كلها بتتكلم عن قصة سيدنا موسى بالتفصيل الدقيق

( من أول ولادته ... لحد ما أمّه ألقته في البحر تنفيذاً لأمر الله... مروراً بنشأته في بيت فرعون ...مروراً بقتله لواحد من قوم فرعون بالخطأ ... مروراً بهروبه إلى مدين ... ثمّ زواجه من بنت من البنتين الل كانوا بيملوا الماء ... ثم رجوعه لمصر تاني بعد ١٠ سنين وكلام ربنا له عند جبل الطور .... وتكلفيه بالرسالة ودعوة قوم فرعون ...لحد آخر القصة وانتقام ربنا من فرعون وقومه ) .... السورة هتحكيلك كل حاجة عن سيدنا موسى بالتفصيل

٣- وآخر السورة ربنا هيحكلنا عن نموذج آخر من المفسدين الظالمين ( قارون ) ... وده واحد من قوم فرعون الظلمة المتجبرين الل ظلموا وعذبوا قوم موسى ... مع الرغم إنّ ربنا أعطاله كنوز الدنيا كلها ...لدرجة إن مفاتيح خزائنه بس محتاجة فوق ال ٢٠ فتوّة علشان يشيلوها ... دي المفاتيح بس فمابالك بالل جوا الخزائن دي .... سنة الله ديما بتقولنا إن نهاية الناس دي بتبقى نهاية مروعة مخيفة

٤- طب إيه علاقة سورة القصص دي ونشأة سيدنا موسى وقصته بالتقصيل ... بوقت نزول السورة وهجرة النبي وخروجه من مكة حزين ؟

العلاقة إنّ ربنا بيقول لسيدنا محمد إنّي زي ما حققت وعدي لأمّ موسى إنّي هردلها ابنها تاني وهجعله من المرسلين .... ( لانّ زي ماحنا عارفين إنّ أم موسى ألقته في البحر والتقطه آل فرعون ...فربنا حرم عليه المراضع كلها ... لحد ما أخت موسى دلتهم على واحدة ترضعه ... والواحدة دي كانت أمه .... فالوعد تحقق ورجع لحض أمه تاني ).... فكما أنجزت وعدي لأم موسى برده هرجعك مكة تاني منتصر فاتح لها فاصبر ولا تحزن

وفعلاً قد كان وتحقق موعود الله ... فبعد ٨ سنين من هجرة النبي صلى الله عليه وسلم عاد مرة أخرى لموطنه وبلده الحبيب مكّة

يبقى السورة هدفها ( الله إذا وعد أوفى وأنجز وإن طالت المدة ) ...ومن أصدق من الله حديثاً ؟؟

سورة العنكبوت :

١- باختصار شديد سورة العنكبوت بتقلك لما تنوي تلتزم أو تتدين أو تاخد طريق ربنا ... الموضوع مش هيعدي كده بسهولة ... لازم يبقى فيه اختبار وفتن وابتلاءات علشان نتأكد انت بحق وحقيقي فعلاً ولا بتضحك على نفسك

٢- والسورة عرضت نماذج من قصص بعض الأنبياء علشان نشوف بنفسنا ايه الل هما قابلوه من مصاعب ومتاعب وفتن

٣- السورة عرضت أول نموذج سيدنا نوح مع قومه ( قعد يدعوهم ٩٥٠ سنة ولم يؤمن إلا ٨٠ واحد بس على أصح الأقاويل ) ... تخيل ٨٠ واحد في ٩٥٠ سنة ؟؟

٤- بعد كده سيدنا إبراهيم مع قومه لما ألقوه في النار .... ومعاناة سيدنا لوط وسيدنا شُعيب

٥- وبعد كده إهلاك ربنا لقوم عاد وثمود وفرعون وجنوده وحاشيته

٦- إيه علاقة اسم السورة ( العنكبوت ) بالفتن والإبتلاءات

خيوط العنكبوت كتيرة جداً زي الإبتلاءات اللى الواحد بيعشيها دلوقتي ... فالحلّ والخلاص إنّك ما تلجأش للناس ولا للبشر لان دول زي بيوت العنكبوت بالظبط لا بتستر ولا بتفيد ولا بتحل ولا بتربط .... إنما الحل هو الهروب والفرار إلى الله

ربنا وبس ... ربنا هو الأمان الوحيد في فوضى هذه الأرض

وربنا ختم السورة ختام عظيم يثلج القلب

لنهدينّهم سُبلنا

مين دول ؟؟

الذين جاهدوا فينا

هتجاهد وهتصبر على اللى انت فيه هتوصل غير كده يبقى انت بتدور في المكان الغلط

وصل اللهم على نبينا محمد وعلى آله وصحبه وسلم عدد ما كان وعدد ما يكون وعدد الحركات والسكون.

سامح لطف الله

4.8K

او قم بنسخ الرابط وانشرة اينما كان

https://alqudsbook.com/%D8%A2%D9%8A%D8%A7%D8%AA_%D8%A5%D8%B7%D8%B9%D8%A7%D9%85_%D8%A7%D9%84%D9%85%D8%B3%D9%83%D9%8A%D9%86_%D9%81%D9%89_%D8%A7%D9%84%D9%82%D8%B1%D8%A2%D9%86_%D8%A7%D9%84%D9%83%D8%B1%D9%8A%D9%85

العودة للرئيسية

مقالات ترند